انت هتعملنا فيها عم الشيخ...!!

انت هتعملنا فيها عم الشيخ مين منا بيسمع الكلمه دى كتير؟
اوقات كتير بنكون واقفين مع زمايلنا اواصحابنا وواحد منهم يعمل حاجه متعجبكش لان انت شايف انها حرام مثلا او متتفقش مع عادتنا ومجتمعنا اوانها حاجه بنقلد فيها الغرب واحنا مش فاهمين او حتى حاجه انت طلعت شايف انها ضد الفطره وانت او واحد من الى واقفين تقوله كده حرام
تلاقى 100 لسان بيقولك انت هتعملنا فيها عم الشيخ

هو فى ايه؟
مين الى صح انت ولا هما؟
طيب الى انا بقولهولهم ده صح ولا غلط ؟
طيب هما كده هيكرهونى؟
خلاص انا لازم اعمل زيهم مش كده؟

كل دى افكار واسئله بتدور فى دماغك ساعته ما تسمع الجمله دى بس ياترى جاوبت ازاى؟

انا بأه جاى اجاوب من وجه نظرى ممكن
بص ياسيدى

هو فى ايه ؟
ده اول سؤال فى انه اصدقاءك اوزمايلك محتجانلك من زمان محتاجين منك نصيحه محتاجين منك حقهم عليك وهو ان تقومهم اذا اخطأوا وده طبعا مش معناه انك واقفله زى رقيب وعتيد او معنى انك هتعملهم محكمه
لا ده معناه ان صديقك اذا عمل حاجه من الى انا قلت عليها الاول دى انه له حق عندك انك تنصحه عشان ميعملهاش تانى

ده السؤال الاول والسؤال التانى
مين الى صح انا ولا هما؟
دى بأه محتاجه منك شويه مجهودمثلا لو انت شايف ان الحاجه الىبتتعمل دى حرام يبأهلازم تكون متأكد قبل متقولهم انها حلرام
ولو انت شايف انها بتخالف عاداتنا وتقالدنا يبأه لازم تتأكد قبل متقولهم عيب وهكذا

ياااااااااه دى حاجه صعبه قوى
مش كده طبعا لاانت عندك مقياس خلقه للك ربنا اسمه قلبك زقلبك ده مش هو الشعور بس لا ده عقلك كمان يبأه انت تستفتى قلبكقبل ما تحكم

والسؤال التالت
طيب هما كده هيكرهونى ؟
بص انت ربنا عطاك عقل تميز بيه يعنى خلى عندك فن فى اصلاح ونصح الاخرينيعنى مثلا واحد زميلنا عمل خطأه لوحده وانت معاه متروحش تنصحه ادام باقى الاصدقاء
وخليك حكيم فى تصرفاتك وطبعا الخبره مش هتكتسبها فى يوم وليله لا دى محتاجه سنين

خلاص انا لازم اعمل زيهم
هنا انا اقولك انك فشلت بجميع المقايس وكمان اعرف ان شخصيتك ضعيفه وان انت مكنتش بتدافع عن مبادىء وقيم

انا عارف ان كلامى معقد وكتير ويزهق بس معلش استحملنى للأخر

طيب هو انا لو جاوبت على الاسئله دى كده ايه الى يحصل
طبعا انت وانا والناس استاحه تجمع بين كل الاشياء دى بصوره كاملهلذلك اديكم شويه نصايح تساعدنا فى الموضوع ده
-دايما تكون ثابت على رأيك طول الخط ده لو كان صح يعنى مش مره تقولهم عيب كده والمره التانيه تعمل انت زيهم
-لازم تزود نفسك بالعلم والمعرفه وتكون مطلع على قضايا اصحابك حتى لو متهمكش عشان يحبوك ويحسوا انك بتخاف عليهم بجد
- ممكن كمان تقدملهم نصائح من غير اسباب
- ولازم تكون بتبص للترابزه من فوق بمعنى انك تكون فاهم شخصيه كل واحدوايه الى هو بيحبه ايه الى بيكرهه
- وقبل كل ده لازم تختار الاصحاب الى يناسبوك مش تروح مع اصدقاء سوء اساسا وتقولى اروح انصحهم مش هتعرف وهتبأه زيهم

ارجوا ان يكون الموضوع ده افادتكم

خاطره
_________________
أحذركل باب مغلق فإن من خلفه قوه

تسلم ايدك
موضوع جميل فعلا
_________________
ــــــــــــــــــــــــــــــــــــــــــــــ

بجد عندك حق تمام يا حرحش موضوع جميل
_________________
ـــــــــــــــــــــــــــــــــــ

الله يكرمك بس انا عايز الناس تشارك اكتر
واعرف راى الناس انا مبزعلش من حد الى هيقولى حلو هشكره والى هيقولى مش حلو برده هشكره
_________________
أحذركل باب مغلق فإن من خلفه قوه